ORANJESTAD (AAN): Den fin di siman cu a pasa, e miembronan di e equipo di Barracuda Billiard Team, tabata feliz como cu nan a haya uniform nobo!
Tabata den e establecimento di TT Billiards na Tanki Leendert cu e bautiso di e bunita uniform nobo a tuma lugar.
E Captain di team Jason Kock hunto cu madrina Belinda a percura pa basha champagne ribe canduloso polo preto. Na manga robes bandera di Aruba, manga drechi "Succesful Since 1975" den lomba e diseño di ekipo y den pecho logo Pizza Hut. Gerencia di Pizza Hut ta masha orguyoso di por join e legendario ekipo aki, funda 1975 na Palm Beach pa q.e.p.d. Michel Victoria.
Un ekipo cu trayectoria largo y masha exitoso na Aruba y den Caribe Hulandes. Diabierna anochi FEBIAR a start su campeonato nacional 2022.
Barracuda a gana 5-1 di e actual campeon Mongoose y Maddogs di Pos Abou ta dal ekipo di Steelers. Pa Barracuda Didi Odor ta cai venci, Ransley Tromp, Aaron Franken y Richard Wolff ta gana den set individual.
Branden de Vreugde y Ditto Acosta ta combina exitosamente den scotch doubles y Pedro La Rosa tambe ta sali victorioso.
