Hat trick di Ricky Hodge a yuda Dakota gana Britannia

ORANJESTAD(AAN): Diasabra anochi trempan den stadion Guillermo Prospero Trinidad a tuma lugar e wega di division di honor di futbol entre Dakota y Britannia, unda cu Dakota a domina  e wega por completo.

E wega a caba 4-0 na fabor di e Dakoteronan, unda cu e homber grandi pa e equipo tabata Ricky Hodge kende a logra un hat trick, esta 3 gol.

Sinembargo, e prome gol di Dakota a wordo anota pa Resef Gross den di 9 minuut caba.

E golnan di Hodge a wordo anota den di 41, 46 y den di 55 minuut.