Daniel Benschop ta e prome prospecto Arubiano cu a firma oficialmente cu e organisacion di Chicago Cubs

ORANJESTAD (AAN)- Dialuna merdia na Papiamento Restaurant a tuma lugar e firmamento di e prospecto Arubiano Daniel Benschop kende a firma oficialmente y lo forma parti di e famia di e organisacion Chicago Cubs.

Den presencia di su mayornan, ruman, famia y amigonan y su agente Henry Martinez  Daniel a firma

tur e papel necesario hunto Gian Guzman Director of DR Scout & International Crosschecker

y Kenny Socorro Coordinator International Scouting kende ta representante di Chicago Cubs.

Ta bon pa remarca cu Daniel Benschop ta bira e prome prospecto Arubiano cu ta wordo firma pa organisacion di Chicago Cubs.

Tambe Daniel a forma parti di Henry Martinez Academy na Republica Dominicana bou guia di e agente Henry Martinez.

Tambe den pasado Daniel a hunga y forma parti di e organisacion di Stars Baseball Aruba.

Un pabien grandi ta bay na Daniel Benschop y su mayornan Jurgen y Kejo Benschop

y famia completo y tambe na su coach y agente Henry Martinez cu e tremendo logro aki. 

Exito Daniel cubo carera profesional di baseball den futuro.