Gran Clasico Internacional tabata un tremendo competencia entre cabaynan di Aruba y Corsow

ORANJESTAD (AAN): Recientemente a tuma lugar e competencia di cabay conoci como ‘Gran Clasico Internacional’.

Esaki a tuma lugar na Villa Floralina y tabata un exito rotundo.

Tabata tin 18 cabay cu a bin for di Corsow y a competi contra e cabaynan di Aruba.

Pa determina e ganadornan di e competencia, e huez veterano Mauricio Camancho a bin Aruba for di Bogota.

Den e categoria di macho paso fino “Secreto de Magico” di famia Michael de Cuba a gana, mientras cu “Sueño Dorado” di Ricky Winkel di Corsow a caba na di dos lugar.

Otro cabaynan cu a gana premio ta ‘Replica de la Trocha” di Giyo Martina di Corsow, “Azucarada de San Isidro” di Criadero Alma, “Heredero del Rey”, ‘Conquistador’ y El Junior tur di Villa Floralina, ‘Zafiro Azul di Rancho Monte Blanco, ‘Polvo Robado’ di famia Magdalena di Corsow, ‘Picamimosa’ di Jowey Velasquez di Corsow,  “Zafiro Azul” di Rancho Monte Azul, ‘Chiquinquira de la Mecanica’ di Fernando Lewis y ‘Bienvenida’ di Famia Mouawad.