ORANJESTAD (AAN): E hobencito Gabriel a destaca pa prome biaha internacionalmente den e Competencia "Sport Karate Championship" cu a tuma lugar dia 6 di November, den e disciplina di kata obteniendo medaya di Brons den e categoria avanza.
Gabriel ta sinti masha orguyoso di por a representa Aruba pero tambe su scol di karate Jin Sein Kai, SKIF ARUBA dirigi pa e sensei Gustavo Velazquez y Juan David Velasquez.
Gabriel ta gradici tur esnan cu a apoy'e, su scol St. ALOYSIUS, su famia, ya cu tabata simannan di entrenamentonan intensivo unda ta keda constata un gran aprendizahe y constancia di e fruto di e dedicacion y trabao den ekipo.
Gabriel den su representacion na Hialeah, Miami ta posiciona su mes cu su medaya di brons, den un categoria di Advanced entre mas di 20 mucha den su categoria 8-9 aña, mayoria faha avanza.
Esaki tabata un torneo di hopi nivel y un experiencia cu ta bal la pena ripiti. Lo sigui traha duro pa e proximo eventonan.
https://diario.aw/categories/noticia/deporte/gabriel-a-logra-medaya-di-brons-durante-e-sport-karate-championship-na-hialeah#sigProId1eb3c2f7c3
