Futuro Dragracers tambe a goza na Barcadera Nights

Speedworld cu boso amigo Hubert The Furai Tiel. Manera cu ya nos a menciona den edicion anterior di Diario,

awe nos lo trece pa nos lectornan, loke na nos aparecer, tabata loke mas a hala atencion pa cu e actividad di Barcadera Nights na Palo Marga.

   Ya cu no solamente e ta un atraccion nobo, pero mas importante, ta cu el a uni famia cu otro, e publico a biba cune y importante ta,  cu a planta simiya nobo pa asina e futuro di drag ta mas sigura.

   Riba Social Media tabatin varios persona cu a reaccion ariba un potret cu nan a yama “Photo of the Year”, pero como un persona cu hopi aña sacando potret, mi mester bisa, cu e 2 potretnan, caminda e muchanan ta hop cu nan vehiculo ta great, pero nami parecer, e potret cu mas ta bisa, ta esun aki, caminda bo ta wak tur e muchanan staciona, e mayornan cu man den halto ta resa pidi Dios pa proteccion pa e muchanan y sin laga afo cu te hasta e publico a haci mescos, demostrando cu nos ta yiunan di Dios y ta pone e criaturanan aki den su man.

   Hecho ta cu persona cu tabata encarga pa  anima e atardi, a resa un bunita oracion pa tur e muchanan y esaki ta haci e potret aki, keda como e picture of the year, mirando cu aki historia a worde skirbi, mirando cu ya prome biaha cu e tipo di caredanan aki ta tuma lugar y esaki ta marca  e fruto pa mañan.

   Anyhow mensen, pabien na e grupo organisatorio cu a percura pa un Palo Marga rand-rand, cu e actividad di Barcadera Nights 2022.