Filomena College Mavo contento cu alumnonan Suemilienne Winklaar cu Aleysha Macea y team di Volleyball

ORANJESTAD (AAN): Recientemente e atletanan di Filomena College MAVO a logra medayanan importante den torneonan nacional y internacional.

   Den Tennis: Nan ta orguyoso di alumno Suemillienne Winklaar kende a participa na e Ranking tournament Dijon Tennis jr doubles.

   Suemilienne Winklaar y su compañero Jonathan Quandus a logra e medaya di oro na Aruba Racket Club.

   Den Taekwondo: Den e deporte di Taekwondo, e atleta  Aleysha Macea di Tiger Taekwondo Academy a logra e medaya di zilver den e Costa Rica open Junior Cadet P2, 2023.

   Den Volleyball: Durante di e weganan escolar 2023, tambe Filomena College ta orguyoso di nos team cu a logra e medaya di zilver. Man of the match tabata Antoine Piña. Un pabien ta bay na nos muchanan y tambe meneer Roan Petronia y Keanu Rivers pa e guia y entusiasmo unico durante e aña escolar aki.