ORANJESTAD (AAN): Recientemente tabatin e di tercer evento di Eagle in Color Run & Walk, cu a ser teni riba tereno di Stadion Nadi Croes/Crismo Angela na Santa Cruz.
Alrededor di 500 persona a participa, tanto mucha como adulto cu a inscribi pa participa den e evento di coremento y canamento y a acudi trempan na e evento di Eagle in Color Run & Walk pa sali core den e barionan di Sabana Grandi, Rooi Bosal y becindario. Minister di Deporte Endy Croes tambe tabata presente pa contribui na e gran evento deportivo aki. E mandatario di Deporte a hiba palabra, deseando tur coredo hopi exito pa yega final y a felicita e organizadonan di Eagle in Color Run & Walk pa organiza un excelente actividad deportivo.
Sigur un pabien na Eagle 297 Runners y Patrishi Sports Aruba pa e tremendo evento deportivo.
https://diario.aw/categories/noticia/deporte/exitoso-tabata-e-eagle-in-color-kids-youth-run-walk#sigProId1e71843238
