Dianne Wiersma, di AVB a informa:
ORANJESTAD (AAN) – Mañan, dia 12 di April, e Seleccion di Damas di Aruba, lo ta saliendo pa Colombia, bay Medellin, pa un wega amistoso. Esaki ta e Seleccion Adulto, pero ta mas tanto muchanan muher jong, di como 17 aña.
Señora Dianne Wiersma, ken ta Women Support Coordinator di AVB, a duna di conoce cu nan ta bay busca tambe algun refuerzo di Hulanda, cu ta cuater mucha muher cu ta hungando na Hulanda y cu a yega di hunga den team di Aruba caba.
Wiersma a bisa cu e training camp aki na Colombia ta pa prepara e team di Aruba pa un competencia di damas, cu ta bay ta na September, October y November venidero, pues nan ta preparando basta trempan.
Lo bay tin tres wega amistoso na Colombia cu Atletico Nacional di Damas U17, Seleccion di Antioquia, y un Academia di Damas. Pues tres wega amistoso, tres dia di training. Pues ta un siman di full preparacion y nan tin e planning den otro caba.
Nan ta bayendo pa Medellin unda lo entrena di tres pa cuater biaha pa siman. Cu e muchanan di Hulanda nan tabata tin un siman di preparacion na Aruba. Despues di Colombia nan lo bin bek cuminza prepara pa competi na September. Nan ta bay hunga den liga C, cu ta esun mas abao cu ta ranking di Aruba, pa gana wega pa bay ariba. Wiersma a expresa cu nan expectativanan ta halto.
