Exitoso Run & Walk 2025 organiza pa Fundacion Volunteer Motor Unit Aruba  

ORANJESTAD (AAN): Fundacion Motor Unit Aruba (VMUA) ta un organizacion cu ta consisti di bikers di diferente Club di Motorcycle.

Y conoci pa duna asistencia na organisacion nan durante caredanan y caminata, competencia di ciclismo y entieronan.  Den 11 aña di existencia Fundacion Motor Unit Aruba ta traha hunto cu polis pa cu e seguridad di e participantenan ariba caminda.

   Den fin di siman cu a pasa, VMU hunto cu JPVisser Orthopedic Technical Center a organisa dos evento specialmente pa mucha, hoben y adulto (mayor)) cu un limitacion fisico. E distancia ta 600 meter.  Y por bay e ruta maximo 2x cual e ora lo ta maximo 1.200 meter.

   E evento tabata na Paradera, patras di e santana, na altura di e oficina di J P Visser Orthopedic Technical Center. Lo tin na cada skina di e ruta un team di apoyo pa “Cheer” y “Support” tur e participantenan.   E caminata a concentra mas ariba seguridad di tur participante. E ta prome biaha y e meta ta pa promove participacion, inclusion, concientizacion y have fun.  

   Diadomingo tabatin caminata categoria pa mucha desde 4 te cu 13 aña, hoben for di 14 te cu 16 aña y adulto for di 17 aña PLUS.  E evento a cuminsa 6:00 am en punto pa e adultonan y 7:00 am pa mucha- y hoben nan. Distancia lo ta 6 km pa adulto y pa e muchanan e distancia ta varia depende di nan edad.

   Na final tabatin premiacion overall den tur categoria di edad pa adulto, mucha y hoben. DIARIO ta felicita Fundacion Motor Unit Aruba cu e exitoso Run & Walk aki.