ORANJESTAD (AAN): Den fin di siman, Fundacion Motor Unit Aruba (VMUA) hunto cu
JPVisser Orthopedic Technical Center a organisa dos evento specialmente pa mucha, hoben y adulto (mayor)) cu un limitacion fisico. E distancia ta 600 meter. Y por bay e ruta maximo 2x cual e ora lo ta maximo 1.200 meter.
E evento tabata na Paradera, patras di e santana, na altura di e oficina di J P Visser Orthopedic Technical Center. Tabatin evento Diasabra atardi, y tambe Diadomingo mainta.
Na final tabatin premiacion overall den tur categoria di edad pa adulto, mucha y hoben. Aki e conocido Betto tambe a wordo honra door di president di VMUA, esta Vladimir de Cuba, pa asina haya e number como participante.
Betto ta un atleta conoci, kende ta participa na practicamente tur coremento di distancia y a yega di representa Aruba, na diferente oportunidad, aunke e tin limitacion visual of cu otro palabra, e ta ciego.
