Exitoso competencia di fli na Playa Pabao

ORANJESTAD (AAN): Directiva di Centro di Bario Playa Pabao a keda satisfecho cu e reaccion masal di publico, cu nan tradicional competencia di fli. E actividad aki ta tuma lugar riba Dia di Rey.

  Competencia di fli a cuminsa 9:00 am, y e biaha aki nan a competi den 3 categoria: Categoria A di 10 cm te cu 50 cm.  Categoria B di 51 cm te cu 100 cm.  Categoria C di 101 cm te cu 200 cm.

   Den categoria A nan a acepta maximo 40 fli, Grupo B nan a acepta maximo 80 fli, y grupo C tabatin maximo 40 fli.

  Durante henter dia, nan tabatin un bar y cushina bon surti, y publico a “biba” cu e competencia ofreciendo apoyo constante.