Entrenador di iQFoil ta conta un poco tocante e preparacionnan pa ASU2025

ORANJESTAD (AAN): Durante e ultimo training previo na e competencia oficial di Windsurf Olimpico iQFoil,

entrenador di Kaj y Zara Rozeboom y den pasado atleta di delegacion di Aruba na Weganan Panamericano Junior 2025, Malik Hoveling ta conta un poco di e sensacion di bay di atleta pa entrenador y con e proceso di preparacion pa ASU2025 ta.

   Malik a logra gana medaya pa Aruba den e Ciclo Olimpico anterior, cu e ultimo na Weganan Centro Americano y Del Caribe di Mar y Playa” na Santa Marta-Colombia den 2023, pues e conoce e deporte di cerca y tin tempo ya como entrenador ta gana experiencia y yuda hobennan crece den e deporte.

   Malik mes a participa na Weganan Panamericano na aña 2022, y el a splica cu awor na 2025 el a cuminza haci training cu Kaj y Zara.  Su opinion encuanto e competencia e aña aki ta cu e ta tiki diferente como cu awo e ta den zapato di coach.

   Pues su dia ta start mainta 10:00 am cu un ‘Tecnical Meeting’, unda ta duna detaye di e programa, e competenicia y hasta informacion di biento riba e area di caredanan.  A trece cambio cu e eventonan ta start un poco mas trempan cu originalmente a wordo planea.

   Despues di esey, tanto Kaj y Zara a bay check nan ekipo pa mira si tur cos ta na ordo.  Asina a haci algun movimento di training riba awa, incluyendo algun ‘slalom slides’, hunto cu team di Merca y team di Peru.