Eagle 297 Runners Association ta un realidad

ORANJESTAD (AAN)- Diamars 22 Juni 2021, e vereniging di Eagle 297 Runners a wordo oficialisa via Notaris Yarzagaray.

E team di Eagle 297 Runners ta existi desde aña 2019 y ta consisti di 70 atleta di (40 mucha y 30 ta adulto) y ta conta cu un total di 2 coaches.

Eagle 297 Runners ta aspira pa desaroya nos muchanan y coaches den e deporte di atletismo y tambe pa produci atletanan y coaches riba nivelnan halto cu den futuro cercano por representa Aruba internacionalmente.

Eagle 297 Runners tin atletanan di 4 aña te cu 61 aña di edad.

E team ta bou di liderazgo di Jhonathan Kock cu ta fungi como headcoach, y tambe ta voorzitter di e vereniging hunto cu coach Michael Maduro, vice-voorzitter.

Eagle 297 Runners Association ta agradecido pa un meta mas cumpli.