E prome caminata di FUNARI a conta cu basta sosten 

ORANJESTAD (AAN):  Diadomingo mainta, FUNARI a tene nan caminata  cu un promedio di 100 persona cu a inscribi.

Glennon Eights cu a yuda cu e organisacion di e caminata cu tabata pa personanan den rolstul, a laga sa cu esaki tabata un evento pa duna sosten na e hobennan cu ta forma parti di FUNARI.

Nan ta basta activo organisando eventonan  y esaki tabata un bon oportunidad pa duna nan un man pa asina den futuro nan por sigui motiva nan mes y nan miembronan.

E caminata a consisti di un trayecto cortico y uno largo pa asina e participantenan por a haya chens di join e evento.

Manera por aprecia riba e potret, algun persona a duna sosten na e evento door di cana y otronan a dicidi di bay cu nan rolstul y sigui e ruta den area di Savaneta.