ORANJESTAD(AAN): Diadomingo tabata tin ambiente den Joe Laveist Ballpark, unda cu e seleccionnan di equiponan di baseball di Pabao a enfrenta e seleccionnan di Pariba, den un encuentro amistoso.
Cu animacion tambe di Mike’s Super Disco e prome wega tabata entre e seleccionnan di 40 plus di Pabao y Pariba y akinan Pariba a sali victorioso cu e score di 6-4.
E di dos wega riba e dia tabata entre e seleccionnan di 50 plus y akinan Pabao a gana Pariba 8-0.
Pabao a bati 11 hit mientras cu Pariba a logra solamente uno.
E ultimo wega tabata entre seleccion di Double-A di equiponan di Pariba contra e seleccion di Double-A di equiponan di Pabao y akinan Pabao a sa di gana cu e score di 6-5.
