ORANJESTAD (AAN) - Poco club di Aruba a bira campeon den 3 diferente division den un campeonato di AVB. Atletico SV SANTA FE a logra algo grandi.
Ta masha poco club tin cu a bira campeon den 3 diferente division den un campeonato di AVB. SV Atletico Santa Fe a logra algo grandi. Aruba Jrs. tin e record cu 4 division. E campeonato di 1955/56 Aruba Jrs. a titula campeon den Hoofdklasse, Reserve-Hoofdklasse, C-Klasse y Junioren.
Club di deporte Atletico Santa Fe ta gradici Minister di Deporte Minister Endy Croes, Arubaanse Voetbal Bond - AVB y tambe nos board / staff, pa tur sosten y apoyo na nos hungadornan‼
Un danki special na Desi y Ted Johnson cu semper a kere den e hoben campeon nan aki, cu semper a para nan tras y yuda nan pa nan por yega tur training y tur wega. Danki.
ASF Lions U-17 , U-20 y Div1 ta merece e tres titulonan aki. U-15 tambe a keda Sub Campeon.
E hoben nan aki ta hasi hopi esfuerso y ta dedica cu cuerpo y alma na nan futbol. Nan ta traha duro pa sigui crece y hiba e deporte di futbol dilanti!
Pabien SANTA FE LIONS cu boso tres titulonan!
https://diario.aw/categories/noticia/deporte/e-leonnan-di-santa-fe-cu-3-triunfo#sigProId64d7b57277
