ORANJESTAD (AAN): Fanaticonan di Club di RCA a keda asombra pa nota con den DIARIO di Diahuebs, diripiente e team di Atletico SV Santa Fe ta bisa cu nan a bira campeon den 3 diferente Division den un Campeonato di AVB,
y cu ta “masha poco club tin” cu a bira campeon den 3 diferente division den AVB. Y a menciona cu team di Aruba Juniors a haci esey cu 4 division na 1955/1956.
Esnan di Club RCA ta pidi tanto esnan di Santa Fe como tambe di Aruba Juniors pa pasa na RCA Arena na Solito, y pasa mira e record di trofeo cu Racing Club Aruba a logra durante campeonato di 1986. E tempo ey, RCA a kibra record na Aruba den tur Division di Futbol. For di Divisionnan di Lifida, te na Division di Veterano! Tur nan a gana! E unico division cu RCA no a gana na 1986 tabata e Team di Domino. Pero den futbol ta tur Division a haya raspa di RCA.
Nan ta spera cu esnan di Santa Fe, y tambe Aruba Juniors update tur nan detaye, y corda cu na 1986 tabata caminda RCA a lastra tur otro y bay cu tur premio y trofeo.
