Division di Honor di RCA a bautisa nan uniform nobo 2022

ORANJESTAD (AAN): Diadomingo atardi a tuma lugar na Gloria Entertainment Complex,

e bautiso oficial di e uniformnan nobo di team di RCA.

   Den presencia di diferente invitado, cu patrocinador, y mayornan, esnan di Division di Honor a estrena nan uniform nobo.

   Directiva nobo di RCA tambe tabata presente, y nan tur bao direccion di Vice-President Jeanmarc Ras, y President Jeff Lopez.  E Directiva nobo tin algun plan grandi pa e club, cu ta encera hopi trabao!

   President Lopez a indica cu na December el a postula su mes pa presidente di e club, y e retonan cu el a topa ta grandi y mientras tanto a introduci un maneho tecnico dirigi na e hobennan cu ta forma parti di e team.  El a bisa di ta orguyoso pa mira cuanto patrocinador nobo a drenta den boto cu e tricolornan di Solito.

   Bohama Aruba NV ta un di e patrocinadornan nobo pa RCA su Division di Honor.  Pa demas teamnan, tambe tin Aruba Bank, Smit & Dorlas, Cinnabon, ARCAS Partners, Pro Frame, y PowerAde.

   E uniform normal di RCA ta tricolor, y e uniform ‘away kit’ ta color cora completamente.