Director Tecnico Monica Fajardo tabata na ‘Foro de Solidaridad Olimpica’

ORANJESTAD (AAN): Recientemente Director Tecnico Monica Fajardo y Director di Operacion Jonathan Wever a haya e oportunidad di participa na e “Foro di Solidaridad Olimpica”,

unda cu na inicio di cada Ciclo Olimpico, tur pais di e region Panamericano cu ta miembro di PanamSports ta reuni.

  Aki tur Comite Olimpico Nacional ta conoce tur actualisacion di e programanan cu tin disponibel riba nivel financiero.

   E programanan aki ta bin di Solidaridad Olimpico, cu ta e institituto cu ta maneha e fondonan di Comite Olimpico Internacional y di e PanamSports su Solidaridad Olimpica cu ta maneha e programanan na nivel continental. Den e entrevista aki Monica ta conta mas  di kico tur a tuma luga na e Foro aki y kico a resalta como balioso pa Comite Olimpico Arubano.

  El a bisa cu e tabata un bon oportunidad pa por comparti cu tur pais di region riba nivel administrativo y financiero.