Dianie Croes y Hugo Themen a gana medaya di oro y plata den campeonato Masters

ORANJESTAD (AAN) - For di 24 pa 26 di September 2021 a tuma lugar e campeonato Sur- Centroamericano y del Caribe Masters.de Levantamiento de Pesas

den e ciudad di Ibarra na Ecuador, cu participacion di pais Aruba, El Salvador, Peru, Venezuela y Ecuador

Pa Aruba a participa Dianie Croes den categoria di +87kg y grupo di edad 30-34 aña.
Esaki ta prome biaha cu Dianie Croes ta participa den un evento internacional di masters.

Dianie cu a bay bon prepara mester a bataya duro cu atleta nan di El Salvador y Ecuador pa Asina logra den su hisadanan den snatch 65kg y clean & jerk 88kg pa un total di 153kg. Cu e total aki Dianie ta gana medaya di oro pa pais Aruba.

Otro atleta cu a bin den accion ta Hugo Themen cu a competi den categoría di 73kg y grupo di edad 60-64 aña ta logra den su hisadanan den snatch 53kg y den clean & jerk 68kg pa logra un total di 121kg pa asina gana medaya di Plata pa Aruba.

Directiva y atletanan di Aruba Amateur Weightlifting Association ta manda palabra di felicitación y pabien na e dos atletanan masters Dianie Croes cu  su medaya di Oro y Hugo Themen cu su medaya di Plata cu nan a gana den e Campeonato Sur-Centoamericano y del Caribs Masters de Levantamiento de Pesas na Ibarra, Ecuador.