Diadomingo awor e campeonato di Copa Aruba Bank Liga Plata 5 x 5 den futbol femenino ta continua

 ORANJESTAD (AAN)- Despues di un siman di descanso, diadomingo ultimo, e Copa Aruba Bank Liga Plata 5 x 5 den futbol femenino a sigui cu buelta number tres riba e canchanan di mini turf na Estrella y Britannia.

            Den e prome partido na tereno di Estrella nos a haya e ekipo di Sv Arsenal Aruba den un bon partido y dominante ta gana Sport Vereniging La Fama cu e score final di 5 - 0. E golnan di Arsenal a bini di Sergaine Morillo, Enrica Morillo, Estefany Leon y Lucienne Morillo cu ta anota dos gol.

            Den e di dos partido nos ta haya Estrella 2 a enfrenta RCA y aki e ekipo di RCA ta gana Estrella 2 cu e score final di 11 - 2. E golnan di Estrella 2 a bini di Laura Arias y Marianne Oduber. Esnan cu a anota gol pa RCA tabata Niamh Tromp cu 4 gol, Caylee Geerman cu 3 gol, Shaydi Akins cu 3 gol y Zaylee Illis cu 1 gol.

            Den e otro weganan cu a tuma lugar na e completo deportivo Franklyn Bareño. Nos ta haya e ekipo di Riverplate a empata 2 - 2 contra di e ekipo di Estrella 1. E golnan di Estrella 1 a bini di Silianne Croes y Serene Morisson mientras e golnan di Riverplate a bini di Akyrah Davelaar y Jo-ali Augustin. Nos ta haya tambe e ekipo di Bubali cu ta gana Dakota cu e score minimo di 1 - 0. E gol di Bubali ta bini di Kristeen Brete.

            E Campeonato di Copa Aruba Bank Liga Plata 5 x 5 den futbol femenino lo continua e diadomingo aki riba terenonan di Estrella y Britannia pa 4or y 5or di atardi.