Cuater atleta di Taekwondo Team Aruba a clasifica pa AAU National

ORANJESTAD (AAN): Den fin di siman cuater atleta di Taekwondo Team Aruba a participa den e Florida Gold Coast AAU District Qualifier na Miami, Florida.

Nan a logra clasifica pa participa den AAU Taekwondo National Championships 2026 cu lo tuma luga na Fort Lauderdale, Florida na luna di Juni 2026.

   Rachid Erasmus a gana Medaya di Oro den categoria Cadet -41 kilo. Aidan Klaber a gana Medaya di Brons den categoria Cadet -33 kilo. Nakiomy del Rosario a gana Medaya di Oro y Silver den categoria Cadet -51 kilo den dos categoria. Quinten Klaber a gana Medaya di Oro den categoria Cadet -51 kilo.

   DIARIO tabata presente na Aeropuerto na nan yegada for di Miami.  Taekwondo Team Aruba ta felicita e cuater atletanan cu nan logro y ta gradici e automobilistanan cu ta deposita nan confianza den e botin ariba e brug di Renaissance y tur cu ta cumpra rifa pa e atletanan por logra biaha.