COA ta subraya e importancia di por traha cu un presupuesto na nivel di federacion

ORANJESTAD (AAN): Dialuna pasa e curso di “Capacity Building Training Part II” a continua,

unda cu Comite Olimpico Arubano (COA) a trata e segundo tema di e curso  cu ta “financial management” , hunto cu partner Ernst&Young (EY).

Durante e les a percura pa splica tur cos cu tin di haber cu maneho financiero y a trece algun colega mas pa asina yuda durante e tayer. Aki Conny MardenBorough di EY hunto cu su coleganan a splica tur e puntonan importante di un presupuesto y a duna un ehercicio pa asina por siña den un manera interactivo con pa traha cu un presupuesto adecua y contesta cualkier pregunta cu por a tin.

COA ta contento pa mira expertonan den maneho financiero aporta na e desaroyo di nos federacionnan, pa asina por mehora e nivel di deporte na Aruba. #TEAMARU