Club RCA a celebra nan di 88 aña

ORANJESTAD (AAN)- Diaranzon anochi e team grandi di SV Racing Club Aruba a celebra nan di 88 aña di amor, dedicacion, sacrificio, tristeza y hopi alegria.

Presente na e anochi aki tabata hungadornan, coachnan, leidsternan, mayornan y miembronan y demas invitadonan pa asina hunto nan a tuma nan bendicion y celebra e dia aki.

  Segun Tiana Leon cu ta miembro di e directiva actual, nan ta un directiva hoben cu ta trahando duro pa e club y cu nan tin varios actividad mas na caminda pa cu e celebracion aki.

  Un di e plannan tambe ta pa haci RCA un Academia caminda pa asina traha ariba e habilidad y potencial di cada mucha, pasobra pa nan cada hungador ta importante. Y asina tambe e coach tin mas contacto directo cu e mucha.

Pabien RCA cu boso 88 aña.