Nan a competi den 'Magical Classic Gymnastics Competition 2022'
ORANJESTAD (AAN): DIARIO a haya e bunita noticia cu diaranson Club di Gihae Gymnastics a regresa Aruba despues di a competi den 'Magical Classic Gymnastics Competition 2022' na Orlando Florida.
E 15 atletanan a logra di conkista un total di 48 medaya incluyendo 4 medaya di oro, 3 di plata y 1 di brons. E competencianan tabata uno di nivel hopi halto pero e atletanan a sa di representa Aruba dignamente.
E hobennan cu a participa ta Alizey Polanco, Kelsea Rivero, Kaelyn Palma, Abigaile Croes, Kylee Thomas, Shiara Mathilda, Jira Oleana, Jeandyenne Koolman, Sofia Ocampo, Abbygail Wever, Chloe Cen, Eline Hernandez, Zidaeny Nicolaas, Jayly-Ann Wester y Casey Provence.
Un pabien grandi na e atletanan, entrenadornan Jimmy Palma, Himilice Casares y Juan Carlos Iglesias pa nan tremendo preparacion y mas cu claro pa e mayornan cu ta para 100% tras di nan yiunan.
