ORANJESTAD (AAN): E organizacion di CTI Aruba a informa cu e pre-registracion oficial pa e lesnan di Taekwondo a habri.
Nan ta invita mucha, hoben y adulto pa bira parti di nan famia di Taekwondo. DIARIO a compronde cu lesnan oficial lo cuminsa dialuna 10 di augustus 2026. E pre-registracion ta duna nan un miho idea di e cantidad di atleta nan cu ta interesa pa participa. Esaki lo yuda nan prepara e gruponan, orarionan y facilidadnan di e miho manera posibel prome cu e lesnan cuminsa.
Na CTI Aruba, e dianan di train ta tanto dialuna como diaranson, y tin orario di 6:00 pm pa 7:00 pm, y tambe di 7:00 pm pa 8:00 pm.
Nan ta situa parti patras di Catiri 63, unda e entrada ta banda di borchi di Aruhiba Factory.
Pa inscribi yena e formulario di pre-registracion na e website aki:
Ademas na Caribbean Taekwondo Institute Aruba nan ta pone enfasis riba disciplina, respet, confianza, honor, y excelencia.
