Campeonato di Little League Softball a yega su final

ORANJESTAD (AAN): Diadomingo 28 di Mei Little League Softball Aruba a clausura su Campeonato 2023 na veld di Savaneta.

Un campeonato cu a bay masha bon danki na tur coach, sponsors, directiva di Veld di Savaneta, scorers, mayornan, umpires y directiva di LLSA.

   Un gradicimento na tur esnan cu a yuda tambe pa e torneo ta uno exitoso.

A entrega premionan individual y premio di ekipo. Tabata tin competencia di Speed Queen( coremento di home pa primera) y di e division di Mayors Q-Shanny Holliger a haya su medalla di campeon. Den division di Senior, Xionely Maduro a haya su medalla di campeon.

   Tambe nos ta tin competencia di Running around the Horn( core di home pa home.) Aki den division di Mayors Khloe Fraser a hhaya su medalla di campeon y pa division di Seniors Sharleynis Sparen a haya su medalla di campeon.

Tur esnan cu ta caba liga Senior a haya nan certificado di Excelencia. Nan ta: Derselyn Lampe, Andrea Quant, Brianna Cicilia, Leonie Johnson y Sharleynis Sparen.

   E managers y coaches tur a ricibi nan certificado. Marina Haynes, Soraima Martina, Agnes de Graf, Andy Snijders y Christopher Blijden di  Lady Panthers y Baby Panthers. Darlene Birsby, Natalie Sylavania, Norman Sylvania , Juan Carlos Wester di  NBO Cougars y Little Cougars, Ivan Werleman, Wilfrido Kock y Zulaima Croes di Rockets.

   Premionan individual di campeonato: Best Batter den Mayors: Shiyah Mohamed di Baby Panthers. Den Seniors: Andrea Quant di Cougars

Pitcher campeon den Mayors: Gilliandra Wathey di Baby Panthers y den Seniors: Alfonsina de Graf di Lady Panthers.

Cada ekipo a scohe e hungadora cu mas a progresa durante e campeonato aki: Den Baby Panthers: Sophia- Grace Blijden, Den Lady Panthers: Shaertee Busby, Pa Rockets Makaydee Cornelio, Pa Little Cougars Kylie Jeffers Mohamed y pa Cougars Xionely Maduro. Tur a haya nan certificado di Excelencia.

   Ekipo Campeon den division di Mayors ta ‘Baby Panthers’.  Nan coaches ta Marina Haynes y Andy Snijders.

   Sub- campeon ta ‘Little Cougars’ cu nan coaches Darlene Birsby, Natalie Sylvania y Juan Carlos Wester.

   Campeon den Seniors ta ‘Lady Panthers’ cu nan coaches Marina Haynes, Soraima Martina y Agnes de Graf y Andy Snijders.

   Sub-Campeon ta ‘Cougars’ cu nan coaches Norman Sylvania y Darlene Birsby. Na di tres lugar ta e ekipo di ‘Rockets’ cu nan coaches Ivan Werleman, Wilfrido Kock y Zulaima Croes.