Camacuri a bira escenario di e gran final di ‘Aruba Bank Walk & Run 2026’

ORANJESTAD (AAN): Cu hopi entusiasmo y un ambiente yen di energia positivo, e cuater y ultimo dia di Aruba Bank Walk & Run 2026 a

tuma luga ayera cu salida na Aruba Bank Camacuri Branch cu 2500 participante. Como parti di e celebracion special di e di 20 edicion di e evento, e  participantenan a wordo invita pa bisti nan “old Walk & Run merchandise”, loke a crea un ambiente di  recordacion di hopi aña di participacion.

Durante e anochi, por a mira diferente t-shirt y merchandise di edicionnan pasa, reflehando e historia y tradicion cu Aruba Bank Walk & Run a construi den comunidad durante dos decada. Grandi y chikito a reuni un biaha mas pa completa e ultimo trayecto, disfrutando di movemento, compania y e spiritu comunitario cu ta caracterisa e evento.

Cu e clausura di e di cuater dia di caminata y coremento, Aruba Bank ta mira bek cu orguyo riba un otro edicion exitoso, gradiciendo tur participante, voluntario y partnernan cu a contribui pa haci Aruba Bank Walk & Run 2026 un exito memorabel.

Den e edicion di diasabra lo tin mas potret relaciona cu entregamento di premio cu tremendo ambiente di Groove Masters y DJ 101. Keda pendiente.