ORANJESTAD (AAN): Recien durante un Reunion General di Miembrecia (ALV) sra. Rubinah Bernadina a keda
eligi como e President nobo di Aruba Volleyball Association.
Sra. Rubinah Bernadina no ta un desconoci den e ramo deportivo y tabata un atleta di volleyball pa hopi aña.
E directiva nobo di Aruba Volleyball Association ta consisti di e siguiente miembronan:
Vice Presidente, Relacionnan Publico y Mercadeo a bira Tamara Malmberg-Hamlet. Secretaria a bira sra. Fatme Faarup-Rigaud. Tesorero ta sra. Tricia Werleman.
Comisario pa Asuntonan General sra. Ludwina Perez, Comisario pa Volleyball di Sala sr. Anchelino Vrolijk, y Comisario pa Beach Volleyball y Cuerpo di Referees sr. Ramon Webster.
Sra. Filomena Daniel-Curiel (ex-President) a keda nombra como Miembro Honorario di Aruba Volleyball Association.
Masha Pabien y tur clase di exito ta bay na e directiva nobo di A.V.A.
Riba e potret por mira d.r.p.d. Ramon Webster, Ludwina Perez, Fatme Faarup-Rigaur, Rubinah Bernadina, Tricia Werleman, Tamara Malmberg-Hamlet, y Anchelino Vrolijk.
