ORANJESTAD (AAN): Minister Endy Croes hunto cu Brazilian Flash Racing Foundation a bishita Scol Paso pa Futuro.
En conexion cu e 35 aña di Brazilian Flash a haci entrega di ticket na e alumnonan pa acudi na Caribbean Mega Shootout 2024: Mega Jet Car Invasion cu ta tuma luga e weekend aki.
E show tin mas di dies aña sin presenta na Aruba. E organisacion di Brazilian Flash a bishita diferente scol rond di Aruba pa haci entrega di ticket pa e evento aki, unda cu diferente auto y brommer di entre otro, Corsou y Puerto Rico lo ta na Aruba.
E atraccion principal ta e popular Jet Car for di Merca. E hobennan tin e oportunidad pa mira e bunita show aki di Jet Car riba e pista completamente renoba y certifica di Palo Marga. E cabesante y alumnonan tabata sumamente contento cu nan ticket pa por presencia e show.
Por ultimo, Minister Endy Croes ta gradici tur stakeholder, patrocinado y Gabinete Wever–Croes II cu ta haci esaki posibel. “Danki pa haci e muchanan contento,” Minister Endy Croes a finalisa.
https://diario.aw/categories/noticia/deporte/brazilian-flash-a-haci-entrega-di-ticket-di-mega-jet-car-invasion-na-alumnonan-di-scol-paso-pa-futuro#sigProIdff52886fd2
