Brazil Hawks a gana Braves 6-5

ORANJESTAD(AAN): Diaranzon Brazil Hawks a logra un triunfo di 6-5 riba Braves, den un wega cu te na final tabata tin tension.

Braves a menaza den ultimo inning cu base yen y 1 out, pero un double play a caba e wega pa Hawks bay cas cu e triunfo.

Hawks tabata tin 9 hit y 2 error, mientras cu Braves a caba cu 7 hit y 3 error.

Pitcher ganador tabata Zefrinthian Kerr, mientras cu pitcher perdedor tabata Tyrese Antonio.

Despues di bati 3 hit den e wega anterior, un biaha mas Danniree Tromp a destaca na plato pa Braves cu 4 hit den 4 turno.

E otro mihor bateadornan pa Braves tabata Jose “Taxi” Baez 2-1, Edmar “Welcome Back” Tromp 2-1 y Tyrese Antonio 4-1.

Pa Hawks e mihor bateadornan tabata Mariano Decena 3-2, Brandon Kerr 3-2, C.J Martha 1-1 y Gabriel Vrolijk 2-1.