ORANJESTAD (AAN): E aña aki un bes mas e “Premio Excelencia den deporte” lo tuma lugar.
E ceremonia y entrega di premio lo tuma lugar di 20 di augustus 2022 y na e canalnan nacional lo por mira esaki.
Cu hopi orguyo Aruba Dolphins por anuncia cu un total di 5 di nan atletanan ta nomina pa haya premio na e evento aki.
- Britta Schwengle y Bobby Gibson cada un tin 2 nominacion tanto pa aña 2019 como aña 2021, den categoria di landamento y open water.
- Mikaela van den Berg-Smith tin un nominacion pa atleta infantil di landamento di aña 2019.
- Lucien Peterson tin 1 nominacion pa atleta hubenil di Open Water di aña 2019 y A’Dreon Vrolijk a wordo nomina como atleta nobato di landamento pa aña 2021.
Henter famia di Aruba Dolphins kier felicita e atletanan aki y alabes expresa nan orguyo pa cu nan logronan. Kualsea e resultado di e premionan na e anochi aki Aruba Dolphins ta considera e atletanan aki campeon caba!
