Bataya Diasabra awor entre Bao Palo Boys y Pariba Legends

ORANJESTAD (AAN)- – Shonnan, esnan cu a kere cu cos a caba cu e thriller di siman pasa miho wanta duro! un sin fin di tiramento di palabra tin entre e cunukeronan di Bao Palo Boys y e guynan ‘Sunrise’ di Pariba Legends.

Bao Palo Boys  kiermen cu ya nan a pone e famoso ‘Snor’ Perez drumi bou palo caba un biaha, pero Pariba Legends kiermen cu esey a pasa cu Team Snor y no cu nan! Berdad ta cu Snor Perez ta milita tambe den e ekipo di pariba di brug, pero esey no kiermen net net nada.

Den un entrevista exclusivo, Pariba Legends a declara cu ‘Snor’ ta “just zomaar iemand else” den nan team cu ta conta cu varios legendarionan di pariba di brug, y cu ta any time nan por ‘zet in’ nan baterianan pisa y zaag e palo! Di otro banda, mester bisa cu Bao palo boys ta conta cu algun coordinador ‘zware jongens’ y tambe style di ‘zijn lichaam is klein, maar zijn daden zijn groot’! Aki nan ta style di ‘opgepast’, cuida bo veld!

Pues shonnan, e clash tan spera entre Bao Palo Boys y Pariba Legends a bira realidad! Diasabra awor, 27 di november, cuminsando pa 7’or di anochi n’e na Calabas, lo bay haya sa ta ken lo termina benta bou dje famoso palo di kwihi net otro banda di caminda!