ORANJESTAD(AAN): IBiSA ta organiza un competencia di Trefbal/Dodgeball, unda equiponan di bario ta bay hunga contra otro riba 10 di December.
E intencion ta pa e competencia lo wordo organiza na diferente occasion y den e barionan di Noord, Santa Cruz y San Nicolas, pero e prome edicion ta bay tuma lugar den stadion Guillermo Prospero Trinidad di 3’or te cu 5’or di atardi riba 10 di December.
Pa cada distrito ta bay registra un cantidad di 40 mucha muhe y 40 mucha homber. Participantenan por forma nan mesun team y si un participante no por forma un team, por avisa IBiSA pa yuda cu formacion di un team den nan distrito.
Ta bay tin un total di 8 team, 4 team di mucha muher y 4 team di mucha homber.
Cada grupo mester consisti di 10 mucha maximo y minimo 6 mucha, di 13 pa 17 aña.
Pa por participa den bo districto, mester yena e formulario online via e link indica:
- Compleho Deportivo Frans Figaroa:
https://forms.gle/kjRPTm8evrzqKtoUA
- Centro Deportivo Libertador Betico Croes: https://forms.gle/zUnfKRqMMm7eDodG8
- Sportcentrum IBiSA San Nicolas:
https://forms.gle/w9KFmSMM1HCMcnLZ6
Pa preguntanan adicional por tuma contacto cu e coordinador di bo distrito:
Noord: Candy Peña 699-2938
Santa Cruz: Chisliane Stamper 699-2933
San Nicolas: Gerro Koolman 699-2900
of mail na This email address is being protected from spambots. You need JavaScript enabled to view it..
Nomber di e distrito ganador di e competencia lo bin riba e trofeo y si un distrito logra gana e competencia 4 biaha, e trofeo lo bay pa e distrito ey.
