Awe Aruba lo competi den e triathlon 'Clermont Draft Legal'

Training den wetsuit pa nos Triatletanan

ORANJESTAD (AAN):  Aruba Triathlon Association (ATA) a duna di conoce cu diabierna merdia, a tuma luga e ultimo entrenamento pa e atletanan Dylan Giel, Jeon Fernandes, Xyon Jacobs y Max Dennert.

            Landa cu suit no ta algo usual pa e atletanan. Algun a opta pa competi cu suit sin manga den e awa un tiki mas frieu.

            For di experiencia sa cu landa den awa frieu por afecta e horeanan y ta marea e atletanan pesey ta importante pa uza earplugs asina e awa no por penetra den e drums y por landa trankil sin ta sonsa.

            Cu hopi entusiasmo e atletanan a recore e venue na unda e careda lo tuma luga.

Awe nan lo competi den e magno evento di Triathlon yama Clermont Draft Legal.