AVA National Championship a cuminsa cu weganan yen di energia

Volleyball na Aruba...

ORANJESTAD (AAN): E prome fin di siman di wega di e AVA National Championship 2026–2027 a duna un bon comienso. Hungadornan di U-13 mixto, U-15 damas, U-17 damas y U-19 damas a subi cancha pa lucha pa cada punto.

   E wega di U-19 entre Synergy y FB riba diabierna tabata un di e weganan mas intenso. FB a gana e prome set 25–16. Synergy a bolbe fuerte den e di dos set y a gana 25–19. Den e set decisivo, Synergy a logra e victoria cu 15–10. E resultado final tabata 2–1 pa Synergy.

   Den U-17 damas, Chaos Titans a supera Phoenix den dos set, cu score di 25–10 y 25–22. Den U-13 mixto, VBP a gana contra Hitters VT, 25–19 y 25–22. Synergy a logra varios victoria den e categoria aki: 25–14 y 25–17 contra Chaos Titans; 25–4 y 25–13 contra All Set; y 25–6 y 25–5 den un otro wega contra All Set. Synergy tambe a derrota CBN FB 25–7 y 25–12.

   E weganan di U-15 damas a trece un final emocionante. VBP y Hitters VT a hunga tres set, y Hitters VT a gana 2–1. E setnan a termina 19–25, 25–13 y 7–15. E ultimo set a hunga te na 15 punto, manera ta regla pa e set decisivo. Den un otro wega, Phoenix a gana Hitters VT 25–9 y 25–11.

   Resultado di e weganan:

   Den categoria U-17 damas, e team di Chaos Titans a gana Phoenix cu 2-0 (10-25).  Den U-19 damas, e team di Synergy a gana FB cu 2-1 (16-25, 25-19, 15-10).  Den U-13 mixto, e team di VBP a gana Hitters VT cu 2-0 (19-25, 22-25).

   Den U-13 mixto, Synergy a gana Chaos Titans cu 2-0 (25-14, 25-17).  Den U-13 mixto, Synergy a gana All Set cu 2-0 (25-6, 25-5).  Den U-13 mixto Synergy a gana CBN FB cu 2-0 (7-25, 12-25).  Den U-15 damas, Hitters VT a gana VBP cu 2-1 (19-25, 25-13, 7-15).  Den U-15 damas, Phoenix a gana Hitters VT cu 2-0 (0-25, 11-25).

  E campeonato ta sigui e siguiente fin di siman. AVA ta invita famia, amigonan di deporte y henter publico pa bini mira e weganan y duna nan apoyo na e talento hubenil di Aruba.

   Programa pa e siguiente fin di siman:  Riba Diabierna 30 di October na POVA, for di 6:00 pm pa 7:15 pm, U-17 damas: Synergy 1 contra Synergy 2.  For di 7:15 pm pa 8:30 p.m. lo tin U-19 damas: Hitters VT contra Phoenix.

   Riba Diasabra 31 di October - Compleho Deportivo Frans Figaroa na Noord lo tin wega riba dos cancha.  Di 2:00 pm pa 3:15 pm, den U-13 mixto: Fast Breakers contra Hitters VT 1; Chaos Titans contra Volleyball Positivo.  For di 3:15 pm pa 4:30 pm, den U-13 mixto: All Set contra Synergy 1; Synergy 3 contra Synergy 2.  For di 4:30 pm pa 5:45 pm, den U-15 damas, Pool A: Hitters VT 1 contra Synergy 1; Synergy 2 contra Phoenix.  For di 5:45 pm pa 7:00 pm, den U-15 damas, Pool B: Chaos Titans contra Fast Breakers 2; All Set contra Volleyball Positivo.