Auto di careda Baby Size a bay dal den muraya

ORANJESTAD (AAN): Durante e caredanan di Caribbean Shootout 2024:

Mega Jet Car Invasion na Pista di Palo Marga, riba Diabierna tabatin un accident durante careda.

   Driver di e auto di careda Baby Size, a accidenta, y a bay dal contra muraya di safety.  E impacto tabata fuerte, y aunke e tin safety belt y helmet bisti, e driver Kenny van Putten a ricibi golpi.  E tabata keha di dolor na su braza.

   Aki por mira con e auto a keda despues di e accident, y esaki a causa un pausa breve den e caredanan.

   Bombero y tambe Ambulance cu ta standby durante e caredanan aki, a move pa e area di pista pa asina check si tin ningun peligro di candela, y tambe a duna e driver su prome auxilio.