Aruba preparando pa weganan di CONCACAF di awe y Dialuna

ORANJESTAD (AAN): Manera ta conoci, tanto awe Diabierna y tambe Dialuna venidero,

Aruba ta anfitrion di CONCACAF Nations League 2024-2025 Liga B, Grupo C.

   E asina yama “Siman 3” y “Siman 4” di e liga aki lo tuma lugar na Aruba mes, na Compleho Deportivo Guillermo Trinidad.  Seleccion di Haiti, Puerto Rico, y St. Maarten ta na Aruba pa e competencianan aki.

   Awe Diabierna 11 di October pa 4:00 pm lo tin wega di St. Maarten vs. Puerto Rico.  Pa 8:00 pm lo tin wega di Aruba vs. Haiti.

   Dialuna awor dia 14 di October, pa 4:00 pm tin wega di Puerto Rico vs. St. Maarten.  Pa 8:00 pm lo tin Haiti vs. Aruba.

   Esnan cu kier mira wega, corda cu ticket ta 25 Florin y ta obtenibel na oficina di AVB durante oranan di oficina.

   Hungadornan cu ta biniendo di Aruba ta parti den 3 grupo, antayera Diamars di dos grupo a yega, y Diaranson mas hungador a yega.

   Riba potretnan aki por mira mas di e training di e seleccion di Aruba.