ORANJESTAD (AAN): Cu gran orguyo a ricibi informe di e participacion di Tiger Taekwondo Academy durante di e competencia Panamericano na Santo Domingo, Republica Dominicana fin di april.
Den Cadete 5 medaya di Brons, den Junior 1 medaya di plata. Den Infantil 2 medaya di Oro tawata gana pa Khaleesi Ridderstaat.
Esaki ta algo historico p’e deporte na Aruba, como cu logrando e medayanan aki den un competencia di e nivel aki a logra ta riba un podium internacional.
Di e forma aki Tiger Taekwondo a logra obtene e ranking internacional den e categoria Cadet y Junior. E atleta Aleysha Macea a sa di posiciona su mes na di tres luga den e Ranking Cadet-55kg y den Junior+68, Maelynn Fradl tambe a posiciona su mes na di tres luga den e Ranking Internacional.
Un bes mas Tiger Taekwondo Academy, bao guia di masternan Teo Rodriguez y Jason Ridderstaat ta gradici inmensamente Marlon Petrocchi di Eumar Lock y Aruba henter cu su automobilistanan cu a sa di respalda nan cu cada contribucion na e rotondenan..
https://diario.aw/categories/noticia/deporte/atletanan-di-tiger-taekondo-academy-a-logra-varios-medaya-na-republica-dominicana#sigProId4705394e19
