Arubaanse Voetbal Bond ta despedi di Technical Director David Abdul

ORANJESTAD (AAN):  Arubaanse Voetbal Bond (AVB) ta anuncia cu David Abdul a finalisa su periodo

como Technical Director despues di cinco aña di entrega y dedicacion na desaroyo di futbol na Aruba.

David a cuminsa su carera den AVB como Head of Academy, caminda cu el a hunga un rol importante den fortalece structura di futbol hubenil y stimula talento local. Su compromiso, dedicacion y vision a trece David na e posicion di Technical Director, un puesto den cual el a dirigi pa casi 3 aña y a aporta den e desaroyo den e area tecnico di Aruba su futbol.

David ta tuma su siguiente paso profesional, como Regional Technical Consultant na FIFA. Den e rol nobo aki, e lo contribui su experencia na comunidad di futbol den henter region di CONCACAF estableci na Aruba.

AVB ta expresa nos mas profundo agradecimento na David pa su trabou duro, profesionalismo y dedicacion sin limite pa crecemento di futbol na Aruba. Su contribucion lo keda un impacto duradero, y su legado lo sigui inspira futuro generacion di hungador, coach y comunidad di futbol henter.

Na nomber di AVB y DIARIO ta felicita David cu e paso nobo aki y ta desea tur clase di exito! Sigui cu e bon trabou!