ORANJESTAD (AAN): Ya desde 27 di October 2025 pa 2 di November 2025 na The Fort na Fort Lauderdale, Florida e team di Aruba ta participa hunto cu 67 otro pais na e Pickleball World Cup 2025.
Ta trata aki di e team consistiendo di: Jason Farro, Derrick Hernandez, Michaëllo "Matrix" Martilia (Captain Team Aruba), Jan "Martin" Appeldoorn, Mel Paskel, Yi Yu "Amira" Chen, Luigi Heredia, Derrick Lopez, Yandric Webb, Joselyn Farro, David Puriel (Player y Coach).
E torneo ta dos evento den uno cu ta e International Pickleball Tournament 2025, cual tur hende por hunga contra otro na diferente nivel y bo tin e Pickleball World Cup 2025 unda bo tin e mihor hungadonan di cada pais bou di un DUPR (Dynamic Universal Pickleball Rating) di 5.5 cu ta representa nan pais.
E mensahe di team Aruba ta pa tur hende uni y sostene cada un di nos hungadonan local no solamente den Pickleball pero tur deporte cu nos ta representa nos dushi isla aden! Laga nos tur sostene otro! Aruba, Ariba!
Un danki masha grandi di curason ta bay na tur sponsor cu a kere den nan y a sostene nan.
Danki Costa Linda Beach Resort, Boardwalk Boutique Hotel, Hyatt Regency Aruba Resort, ASTEC, Aruba Airport Authority, Aruba Port Authority, Stichting Sportsubsidie Aruba, Hernandez Dental Clinic, All Care Dental Clinic, Mr & Mrs. Reedy from Canada, Yong Xing Supermarket y Vanguard.
https://diario.aw/categories/noticia/deporte/aruba-tin-un-team-participando-na-pickleball-world-cup-2025#sigProIdef3fc8c7bb
