Aruba su prome Open Kayak Championship a ser teni na Savaneta

ORANJESTAD (AAN): Diasabra a tuma lugar e prome anual Aruba Open Kayak Championship, organiza pa Kayak Aruba, y tambe One Happy Kayak.

   Yobida a stop atardi, net bon pa e evento tuma lugar for di 2:00 pm te cu 6:00 pm na e lama na Savaneta.

   E campeonato aki tabata pa duo teams, y nan mester a competi contra holoshi riba un ruta poni riba lama.  For di e area di start te na e prome boei (turning point) tin distancia di 500 meter, y aki tin di bira y bin bek 500 meter pa e finish.  Di e forma aki nan kier a stipula kende tin e mihor tempo den esaki.  Esey lo bira e ganador, y lo haya premio cash tambe.

   Felipe Tromp di Kayak Aruba a indica cu e reto ta pa paddle contra biento.  Pero e atletanan a demostra cu pa nan, esaki ta algo facil.  Y tabata un dushi dia pa a participa na e campeonato aki, y stipula e ‘course record’ di e ruta aki na Savaneta.

   Pa otro aña, Kayak Aruba kier organiza e evento atrobe, como cu e lo bira algo di cada aña.  Tambe nan lo sigui duna les na mucha- y hobennan cu ta interesa den siña nabega cu kayak riba lama.