Aksel Samardzic a gana e prome Super Tie Break Cup di tennis

ORANJESTAD (AAN)- E hungador di Aruba Aksel Samardzic a gana e prome edicion Super Tie Break na Bushiri Beach.

E Super Tie break ta un warmup. E ta mas un wega di exhibicion durante e anochi di apertura. Participacion tabata solamente ariba invitacion.

Diadomingo a tene  e prome edicion di kick off di Aruba Open  caminda hungadornan di Aruba a competi contra hungadornan rond mundo manera entre otro Alemania, USA, Francia, Hulanda. Teamnan ta gana e wega esun cu haya 10 punto prome.

Henter e stadium na Bushiri Beach tabata yen  yen durante e anochi di apertura.

Ganadornan di e Super Tie Break Cup

Doubles muher di Alemania

Christin Nimtz

Sarah Bolsmann

Doubles homber

Aksel Samardzic Aruba

Marty Salokas – USA

Ainda tin varios categoria pa wordo hunga. Tur dia tin weganan cuminzando for di mainta. Entrada ta gratis y un y tur ta bon bini.