Aruba su grupo di Gihae Gymnastics a logra bin cas cu varios premio

ORANJESTAD (AAN): Riba e escenario International di e Gasparilla Gymnastic’s Competition 2024 na Tampa (Florida),

un total di riba 7.000 atleta rond mundo a bini hunto pa competi contra otro, GIHAE Gymnastics di Aruba a demostra un bez mas cu nan nivel y calidad di gymnasia ta uno sin precedente.

   GIHAE Gymnastic’s a logra bin cas cu Prome Lugar Overall den Nivel 1, Prome Lugar Overall den Nivel 4, y Tercer Lugar Overall den Nivel 2.
   Gihae Gymnastics ta simplemente sinonimo di excelencia.

   Atletanan a termina respectivamente na e siguiente puestonan All Around individual:

   Pa Nivel 1: Zoey Chung 2 lugar, Yuna Fajardo 2 lugar, Nimra Martinus 5 lugar, Kalisha Inacio 5 lugar, y Leanne Rivero 7 lugar.
   Nivel 2: Romy Fajardo 4 lugar, Isabella Rodgriquez-Barerro 5 lugar, Alinah Polanco 8 lugar.
   Nivel 3: Ruzinaily Romero 5 lugar, y Jayselle Geerman 11 lugar.

   Nivel 4: Lyvah Bikker 1 lugar, Amalia Tromp 1 lugar, Kaelyn Palma Villegas 2 lugar, y Alizey Polanco 7 lugar.
   Nivel 6: Malaki van Dinter 6 lugar, y Jeandyenne Koolman 8 lugar.
   Nivel 8: Casey Provence 5 lugar, y Daenah Beke 6 lugar.

   Esaki sigur ta un logro inmensamente grandi pa nos atletanan cu a demostra nan nivel halto den e deporte di gymnasia como fruto di hopi dedicacion y perseverancia. Gihae Gymnastics ta gradici su Coaches, Staff & mayornan pa nan aporte na e club.