Aruba preparando pa e Weganan Sudamericano y Panamericano di Bowling

ORANJESTAD (AAN)—Camila Dammers y Eva Maduro, a participa recientemente, den e weganan mundial di Bowling

y esaki ta prome biaha cu Aruba a clasifica. Pa e dos damitanan aki tabata un honor di a representa Aruba, y nan tabata na haltura cu lo hunga contra e cuater grandinan. E prome dia Camila a competi den singles contra Merca y a sa di gana y move pa e 16nan miho. E di dos dia Camila y Eva a competi hunto den doubles y a perde contra Australia; e di dos wega tabata hopi preta y nan a perde pa un punto. E di tres dia Camila a sigui den singles unda el a perde contra Singapore.

Asina Aruba a keda den singles entre e 16nan mihor. Camila a duna di conoce cu na October tin weganan sudamericano, cu pa e Comite Olimpico ta alto hopi grandi, y e team di Aruba ta preparando pa esaki. Na Augustus, nan e dos damanan ta bay Paraguay pa un competencia Sudamericano, y na final di Augustus tambe, lo competi na Brasil den e Campeonato Panamericano. Ya caba nan ta den preparacion pa e competencianan aki.