ORANJESTAD (AAN) - Despues cu e equipo di Aruba Malmok Runners a logra gana 38 medaya pa Aruba luna pasa na Corsow,
awor nan a competi den e atletismo e di 60th Aruba National Championship cu a tuma lugar dianan 23 pa 26 di Augustus 2022.
Una bez mas e equipo di Aruba Malmok Runners ta logra gana un total di 72 medaya na Aruba (34 Oro + 23 Plata + 15 Brons)
Aruba Malmok Runners su 3 Atletanan cu a destaca mihor den damas ta:
Eljoenai Wehl cu a gana 5 medaya, cual ta 3 Oro y 2 Plata.
Viktoria Tevreden cu a gana 5 medaya cual ta 3 Oro y 2 Plata.
Sheliya Wehl cu a gana 5 medaya cual ta 3 Oro y 2 Plata.
Aruba Malmok Runners su 3 Atletanan cu a destaca mihor den cabayero ta:
Raydrick Maduro cu a gana 4 medaya, cual ta 4 Oro.
Giovanni Richardson cu a gana 5 medaya, cual ta 3 Oro y 2 Plata.
Hayley Zimmerman cu a gana 3 medaya, cual ta 3 Oro.
Team Aruba Malmok Runners ta masha contento cu su atletanan y lo sigi traha duro pa sigi cu mas logro.
