ORANJESTAD (AAN)- Aruba Airport Authority N.V. (AAA) su Wings of Hope (WoH) ta
organisando un 6K Sustainable Development Goals (SDG) Awareness Fun Walk & Run riba
Diasabra September 3, 2022.
Como parti di WoH su meta di “SDG Environment/Airport Community”, WoH ta
organisando un SDG Fun Walk & Run pa crea fondo pa dos fundacion y crea concientizacion riba e importancia di e Sustainable Development Goals di Nacionnan Uni. E dos
fundacionnan cu a wordo escohi dor di AAA su empleadonan por medio di un poll ta
Micky’s Foundation y Stichting Casa Cuna Progreso.
Micky’s Foundation ta brinda muchanan cu limitacionnan fisico y/of mental cu terapia
specializa y intensivo na cas di famianan completamente gratis. Micky’s Foundation ta
organisa proyecto nan pa 3 luna consecutivo 4 bes pa aña pa por garantiza e continuacion di
terapia. Cada terapia ta wordo duna cu por lo menos un mayor di e mucha aserca pa asina e
mayor tambe por duna e mucha terapia na cas.
Stichting Casa Cuna Progreso ta un cas di mucha pa duna muchanan cu (temporalmente) no
por biba na nan cas pa motibonan manera neglicencia, abuso sexual of abuso fisico. Stichting
Casa Cuna Progreso tambe ta guia e mayornan e adultonan di crianza di e muchannan.
E SDG 6K Fun Walk & Run lo tuma lugar Diasabra September 3, 2022 cuminsa pa 6AM. E
ruta lo inicia for di Aeropuerto su parking lot (sin dak), sigui pa rotonde di Mahuma, bira pa
bai direccion Simeon Antonio pasa dilanti di Bopel, bira bay direccion Hyatt Place pasando
banda di cura di airport y termina bek na Aeropuerto su parking lot. Tur participante lo
mester ta presente na e comienso pa 5:30AM. Tur fondo ricibi lo bay pa e dos fundacionnan. Como bonus, tur participante lo automicamente participa den e raffle prizes cu ta consisti di mas cu 35 premio incluyendo airfare tickets, gadgets electronico, cirtficates di shopnan deportivo y electronics, dinner vouchers y hopi mas.
WoH ta encurasha cada individuo, organisacionnan y otro service groups pa participa na e
SDG 6K Fun Walk & Run pa no solamente crea concientizacion riba e Sustainable
Development Goals (SDGs) pero tambe riba e importancia cu cada individual su
participacion tin den proyectonan manera esaki pa crea un mihor futuro pa e comunidad di
Aruba, specialmente pa e muchanan.
Tocante AUA Airport AUA Airport ta un id e airportnan mas AUA Airport ta un di e aeropuertonan mas ocupa den region Caribe cu mas di 22 diferente aerolinea operando pa Aruba contribuyendo na mas cu 2.5 miyon pasahero pa aña (prome cu COVID) y cu buelonan pa 28 diferente destinacion rond di mundo. AUA Airport ta opera stabiel cu mas di 95% di su bishitantenan cu ta bin pa vakantie di cual 76% ta for di Merca y Canada, 9% for di Latino Americano, 8% for di Europa y 4% for di Antiyas Hulandes te cu juni 2022.
AUA Airport ta reconoce cu esaki ta danki na e economia stabil, clima politico, hospitalidad,
populacion diversifica y siguridad general di nos isla. AUA Airport ta sigui expande y
mehora su facilidadnan pa mantene su posicion como un di e aeropuertonan mas innovado
den region.
