Aruba Karate Bond satisfecho cu cambio di statuto

ORANJESTAD (AAN): Miembronan di e directiva di Aruba Karate Bond, Felix Tromp y Janina Werleman, tabatin e grato placer pa firma e cambio di e statuto na oficina di notario Rodriquez-Taekema. 

Tabata na juni 2018 durante e reunion general di miembro cu a keda dicidi cu ta actualisa e statutonan pa asina garantisa e continuidad di e federacion y cumpli conforme stipulacionnan di bon gobernacion. Igualmente e cambio di e statuto ta nifica cu Aruba Karate Bond ta cumpli na e exigencianan di Stichting Sportsubsidie Aruba y Comite Olimpico Aruba. E satisfaccion pa Aruba Karate Bond ta grandi pa awe wak e resultado di un trabou boluntario haci den ekipo.

Ta gradici tur directiva anterior y actual cu a colabora na e meta aki. Un palabra di danki special pa señor Paul Langerak, señor Jose Vivas, señora Maria Vega, señora Desiree Thodé, señora Ligia Perrejil, señor Silvano de Castro,  señor Gustavo Velasquez, señora Solange Tchong, team di Stichting Sportsubsidie Aruba y team di Comite Olimpico Aruba, specialmente señora Nicole Hoevertsz. Tambe ta gradici coach Alberto Gonzalez Lujan, tur miembronan, e karatekanan y mayornan.

Keda pendiente pa e siguiente evento cu sigur boso tambe kier forma parti di dje.