Aruba Bank ta patrocina uniformnan pa ekipo di RCA U11-3

ORANJESTAD (AAN):  Aruba Bank ta un patrocinado orguyoso di uniformnan nobo pa ekipo U11-3 di RCA.

Esaki ta demostra e compromiso di Aruba Bank pa sostene deporte local y e desaroyo di hubentud den nos comunidad.

            E presentacion di e uniformnan vibrante a tuma lugar siman pasa hunto cu e team masha entusiasma. E patrocinio ta enfoca pa duna e atletanan hobennan un uniform di calidad halto, stimulando orguyo y union ora nan ta representa nan ekipo riba veld.

            Aruba Bank ta contento di por sostene e ekipo U11-3 cu uniform nobo pa asina aporta na e crecemento y exito di e atletanan talentoso aki.

            Aruba Bank ta sigui dedica na iniciativa cu ta reconoce e importancia di inverti den futuro generacion cu ta bini, atravez di deporte, educacion y proyecto pa comunidad.